cabrales nos papeles

otru blogue sobre cabrales, otru más que ñaz col oxetivu de promocionar el nuestru conceyu, esti igual é el primeru que s’escribe n’asturianu dah.echu y entós hai que dar dalgunas pistas sobre la norma gramatical qu’equí usamos, asina como cuestiones relacionadas col usu qu’hai que-y dar al blogue:

1. la forma de h.ablar en cabrales é l’asturiana, la variedá cabraliega de la llingua asturiana é una parte del tueru oriental de la llingua asturiana. nun h.ablamos como los de cangas (cangues) nin como los de potes, nin los de caín, nin siquiera h.ablamos como los del valle altu o bah.u de peñamellera, compartimos con toos ellos unos rasgos gramaticales y llésicos que mos dexan entendemos, rasgos que son comunes al conxuntu del tueru oriental de la llingua asturiana. si hai un conceyu al que la nuesa h.abla s’apaezca esi é’l conceyu de llanes, col que compartimos munchas cosas.
   1.1 l’hache con un . depués representa l’hache aspirada, un soníu común a las llinguas europeas, soníu que naz precisamente al este del ríu sella y s’esparde hasta los h.itos de rusia en vladivostok
2. esti nun é un blogue partidista. esti blogue é políticu dende l’entamu en qu’un cabraliegu tien ganas d’espresase al traviés d’un mediu de comunicación.
3. las más de las informaciones van vinir de l’internet, las que nun procedan de la rede van enseñase como son, señalando la so procedencia en tolos casos.
4. la falta de mayúsculas é un vezu de quien h.az esti blogue.
5. tolas semeyas y testos tán asoleyadas con llicencia creative commons reconocencia, compartir igual, ensin fines comerciales.