Berodia y Italia

Las rellaciones y reconocimientos a nuevos estaos son, entovía güei, frutu de fuertes discusiones y polémicas hasta llegar al puntu de non reconocer o cortar les rellaciones totalmente colas nuevas entidaes surdías. Diz un amigu miu que’l sieglu XIX tuvo que ser tremendu y nun-y falta pizca razón. Diz otru que’l so pueblu é un mundu y tampocu-y falta razón. “Mira’l mundiu ye pequeñu si nun tienes corazón” El procesu d’unificación de la península itálica nun h.oi bien vistu por parte de los poderes más tradicionalistes o reaccionarios de la sociedá de los reinos de las Españas, non tanto pola unificación como pola implicación revolucionaria que tenía. Pos asina las cosas nun tuvo meyor ocurrencia’l gobiernu d’Isabel II que reconocer al reinu d’Italia. Esto provocó una campaña reaccionaria de la que’l conceyu nuestru nun h.oi ayenu y asina el diariu madrilanu “El Pensamiento Español” del domingu 23 de xunetu de 1865 comunica la siguiente petición:

“SEÑORA:
Los que suscriben, en su propio nombre y en él de todos los vecinos del pueblo de Berodia en Cabrales, provincia de Oviedo, con el más profundo respeto suplican encarecidamente a V.M., que no reconozca de ningún modo el mal llamado reino de Italia.
Berodia, 17 de Julio de 1865.–Señora A.L.P. de V.M.– Manuel González, Cura Párroco.– Manuel Peláez. –José Blanco. –Ramón de Tárano.– Fernando Prieto.– Francisco Blanco. –Ceferino Peláez.”

Igual va siendo hora de h.acer un actu de fraternidá énte Cabrales y Gorgonzola.